ပညာရေးဆိုတာ ပန်းတိုင်တစ်ခုမဟုတ်ဘူး၊ ပန်းတိုင်ကိုရောက်အောင်သွားဖို့ နည်းလမ်းတစ်ခုသာဖြစ်တယ်။ တနည်းအားဖြင့်ဆိုရလျှင် ကျုပ်တို့ ကလေးတွေကို ပညာသင်ပေးတာဟာ သူတို့ပညာတတ်ဖို့ ရည်ရွယ်ချက်အတွက်မျှသာ မဟုတ်ပါဘူး၊ ကျုပ်တို့ရည်ရွယ်ချက်က ဘ၀မှာသူတို့ အဆင်ပြေချောမွေ့စေဖို့အတွက်လည်း ဖြစ်ပါတယ်။ ဒီအချက်ကို သဘောပေါက်တာနဲ့ ကျုပ်တို့ ကလေးတွေရဲ့ဘ၀အတွက် ကြိုတင်ပြင်ဆင်မှုကိုဖြစ်စေတဲ့ ပညာရေးစနစ်တစ်ခုကို ရွေးချယ်ဖို့ အလွန်အရေးပါတယ်ဆိုတာကို သဘောပေါက်ကြမှာပါ။ ကိုယ်တွေ့ရှိသိမြင်ထားတဲ့ ကနဦးစပညာရေးစနစ်ကို ရွေးချယ်ရုံမျှ သို့မဟုတ် အမှန်တကယ် သင့်လျှော်မှန်ကန်မှု ရှိမရှိကိုသိရန် စူးစမ်းဆင်ခြင်မှုမပါဘဲ ရှေးဟောင်းပညာရေး စနစ်တစ်ခုကို ဆက်လက်ဆည်းပူးရုံမျှဟာ လုံးလောက်မှု မရှိလှပါဘူး။
မျက်မှောက်ခေတ်နိုင်ငံတော်တော်များများမှာ ဆင်းရဲ၊ ချမ်းသာ၊ လူပေါ်၊ လူညံ့မရွေး အကုန်သူအတွက် အခမဲ့ ပညာရေးစနစ်ဟာ လူ့ဘောင်အဖွဲ့အစည်းရဲ့ပြဿနာများကိုဖြေရှင်းပေးနိုင်ပြီး၊ ပြီးပြည့်စုံတဲ့နိုင်ငံနှင့်လူမျိုး တစ်ခုကို တည်ဆောက်ပေးနိုင်တယ်ဆိုတဲ့စဉ်းစားတွေးခေါ်မှုက ရေပန်းစားနေတာ အချိန်တော်ကြာနေပါပြီ။ ဒါပေမယ့် လူတိုင်း အတွက်အခမဲ့ပညာရေးဟာ လုံလောက်မှု (ပြည့်စုံမှု)မရှိဘူးဆိုတာကို ကျုပ်တို့ သိမြင်ပြီးပါပြီ။ အဲဒီလိုနိုင်ငံမျိုးတွေမှာ တက္ကသိုလ်ဘွဲ့ဒီဂရီရထားတဲ့လူဦးတွေဟာ သူတို့အတွက်ဖြည့်ဆည်းပေးနိုင်တဲ့ အလုပ်အရေအတွက်တွေထက် များပြားနေ တာကို ကျုပ်တို့တွေ့ရှိရပါတယ်။ သူတို့ရဲ့ဘွဲ့ဒီဂရီတွေကြောင့် သူတို့က နိမ့်တယ်ထင်တဲ့အလုပ်တွေကိုလုပ်ဖို့ သူတို့ဟာ ငြင်းဆန်လာကြပါတယ်။ တကယ်တော့ အဲဒီလိုနိုင်ငံမျိုးတွေမှာ လက်တွေနဲ့လုပ်ရတဲ့အလုပ် (ဥပမာ-သန့်၇ှင်းရေးအလုပ်၊ လက်သမားအလုပ်စသည်)ကို ညစ်ပတ်တယ်၊ ရှက်စရာကောင်းတယ်လို့ ထင်မြင်ယူဆလာကြပါတော့တယ်။
ဒါပေမယ့် လုံးဝပညာမတတ်တဲ့ လယ်သမားတစ်ယောက်ရဲ့အလုပ်ဟာ ပါမောက္ခတစ်ယောက်ရဲ့ အလုပ်ထက် ပိုမိုအရေးပါတယ်ဆိုတာကို နားလည်သဘောပေါက်ဖို့ ကျုပ်တို့ခဏလောက် စဉ်းစားကြည့်ရပါမယ်။ ကျုပ်တို့ ပညာမတတ်ဘဲ အသက်ရှင်သန်နေထိုင်နိုင်ပါတယ်၊ ဒါပေမယ့် စားစရာ (အစားအစာ) မရှိရင်တော့ ကျုပ်တို့သေသွားပါမယ်။ ကျုပ်တို့ရဲ့ လမ်းတွေကို သန့်ရှင်းရေးလုပ်မည့်သူ၊ ကျုပ်တို့အိမ်တွေက အမှိုက်ပုံတွေကိုရှင်းပစ်မည့်သူ တစ်ဦးတစ်ယောက်မျှ မရှိတော့ဘူးဆိုရင် ကျုပ်တို့မြို့တွေမှာ ဆိုးဝါးတဲ့ရောဂါဘယတွေကို ကျုပ်တို့ ရကြတော့မှာပေ့ါ။ လူတိုင်းက အဆိုပါ အလုပ်မျိုးကိုလုပ်ဖို့ ရှက်ကြောက်နေလို့ ပြည်သူ့ဝန်းထမ်းအလုပ်သမားတွေမရှိတော့တဲ့နိုင်ငံတွေမှာ ပါမောက္ခတွေဟာ သူတို့ရဲ့အိမ်မှုကိစ္စအလုပ်တွေကို လုပ်ရင်း သူတို့အချိန်တွေကို ဖြုန်းတီးပစ်ကြရပါမယ်။
တကယ်တော့ ကျုပ်တို့အားလုံး (လူတိုင်း) ပညာတတ်ရမယ်လို့ဆိုတဲ့အခါမှာ ကျုပ်တို့အားလုံး (လူတိုင်း) တစ်နည်းနည်းနဲ့ ပညာတတ်နေရပါမယ်လို့ဆိုလိုပါတယ်၊____ဦးစွာပထမ ကျုပ်တို့ဦးနှောက်နဲ့အသိဥာဏ်မှာ အဆင်ပြေတဲ့ မည်သည့်အလုပ်မျိူးကိုမဆို ကျုပ်တို့ လုပ်ဆောင်နိုင်ရပါမယ်၊ ဒုတိယအနေဖြင့် အလုပ်တိုင်းဟာ လူ့ဘောင်အဖွဲ့အစည်း အတွက် လိုအပ်မှုရှိနေတယ်ဆိုတာကိုရော၊ ကိုယ့်အလုပ်ကို ရှက်ကြောက်တတ်တာ၊ သူများရဲ့အလုပ်ကို အထင်အမြင်သေး တတ်တာမျိုးဟာ အလွန်တရာမှ ဆိုးဝါးလှပါတယ်ဆိုတာကိုပါ နားလည်သဘောပေါက်နေရပါမယ်။ အဲဒီလိုပညာမျိုးကိုသာ လူ့ဘောင်အဖွဲ့ အစည်းအတွက် တန်ဖိုးရှိတယ်လို့ ဆိုနိုင်ပါတယ်။ ။
မူရင်း --တက္ကသိုလ်ပြဌာန်းစာအုပ်တစ်ခုမှ သင်ခန်းစာတစ်ခုကို ဘာသာပြန်ထားခြင်းဖြစ်ပါသည်။
0 comments:
Post a Comment