ဗုဒ္ဓဘာသာရဲ့ကိုယ်ကျင့်သီလဆိုတာ တုံ့ပြန်မှုအလျဉ်း မဲ့တဲ့သီလမျှ သို့မဟုတ် ယုံကြည်မှု သက်သက်မျှသာ မဟုတ်ဘူး။ အဲဒါဟာ အသက်ရှင်သန် နေထိုင်ခြင်းရဲ့ အကျင့်သီလ၊ ရှင်သန်နေထိုင်ခြင်းအတွက် အကျင့်စရဏ ပဲဖြစ်ပါတယ်။ ဘာသာရေးအသိဥာဏ် ဗဟုသုတက နေပြီးတော့ သင်ဟာ ကိုယ်ကျင့်သီလနဲ့ တည်ဆောက် ထားတဲ့ဘ၀မှတစ်ဆင့် ဘာသာရေး ဗဟိုချက်မဆီသို့ ပြောင်းလဲပစ်လိုက်နိုင်ပါတယ်။
ဒီလိုနည်းဖြင့် ဗုဒ္ဓဘာသာရဲ့ကိုယ်ကျင့်သီလဟာ အသိပညာဗဟုသုတနဲ့ ဘာသာတရားတို့ရဲ့အကြားတွင် ရှင်သန် နေထိုင်ခြင်းနည်းလမ်းအနေဖြင့် ရပ်တည်နိုင်စွမ်းရှိပါတယ်။ ဒီနေရာမှာ အသိပညာဗဟုသုတကနေပြီးတော့ သင်ဟာ ကုယ်ကျင့်သီလ မကျိုးမပေါက်မပျောက်မပျက်တဲ့ ပြောင်းလဲမှုအနေအထားတစ်ခုသို့ ပြောင်းလဲနိုင်တယ်။ ကိုယ်ကျင့်သီလ ကနေပြီးတော့ မကျိုးပေါက်မပျောက်ပျက်နိုင်သောဘာသာရေး အပြောင်းအလဲကာလသို့လည်း ပြောင်းလဲ နိုင်စွမ်းရှိတယ်။ မိလိန္ဒပဥှာမှာ အရှင်နာဂသေနကမိန့်ထားတာက---ကိုယ်ကျင့်သီလတရားဆိုတာ အခြေခံအုတ်မြစ်တစ်ခုပါပဲ၊ အဲဒီအပေါ်မှာအခြေတည်၍ ပညာရှိသူသည် သူရဲ့ နှလုံးသားကို ဆုံးမပေးနိုင်တယ်၊ သူရဲ့အသိပညာမြင့်မားအောင်ပြုလုပ်နိုင်တယ်--တဲ့။
အသိဥာဏ်ဗဟုသုတကနေပြီးတော့ ကိုယ်ကျင့်သီလ၊ ကိုယ်ကျင့်သီလကနေပြီးတော့ စိတ်ပိုင်ဆိုင်ရာဖွိ့ဖြိုး တိုးတက်မှုထိဟာ ပညာရှိသူတိုင်း လိုက်လံဆည်းပူးအားထုတ်လုပ်ဆောင်ရမည့် တစ်ခုတည်းသောကျိုးပဲ့ ပျက်စီးခြင်း မရှိသောဖြစ်စဉ်တစ်ခုဖြစ်ရပါမယ်။ ကိုယ်နဲ့နှုတ်ကိုထိန်းခြင်းဟာ သီလပါတဲ့။ ကိုယ်ကျင့်တ၇ားပညာ သို့မဟုတ် တန်ဖိုးများသည် အခြေအနေအလိုက် ထင်မြင်ယူဆမှုများကွဲပြားတတ်သည်။ လက်ဖမိုးနဲ့လက်ဖ၀ါးကို ဆုံဖြတ်တဲ့ရှုထောင့်အမြင်မတူသူနှစ်ယောက်လိုဖြစ်နိုင်သည်။
လူ့ဂုဏ်သိက္ခာသည်ကား ထိုလူ၏ ကိုယ်ကျင့်သီလပင်တည်း။ သင့်ကိုယ်ကျင့်တရားကို သင်ကိုယ်တိုင် သစ္စာဖောက်လိုက်သောအခါ သင်ဟာ စစ်မှန်သော လူပီသသောလူသား၊ ယုံကြည်ထိုက်သူလုံးဝ မဟုတ်တော့သောသီးခြားလူသား တစ်ယောက်အဖြစ်သို့ သို့မဟုတ် လူမမည်သောလူသားအဖြစ်သို့ ဆိုက်ရောက်လေတော့သည်။ လူ့အကျင့်သီလကင်းမဲ့လာတဲ့အခါ လူ့အမှိုက်စများသည် ကမ္ဘာမြေပေါ်မှာ မီးမွှေးလာတော့သည်။ ကိုယ်ကျင့်သီလတည်ကြည်သောအခါ သို့မဟုတ် ရှင်သန်မှုနည်းပညာအဖြစ် ကိုယ်ကျင့်သီလကို အသုံးပြုသောအခါ ကမ္ဘာမြေသည်ကား လှပလို့စိုပြေသာယာလာပါတော့သည်။ ကိုယ်ကျင့် သီလဆိုတာ အသက်ရှင်သန်နေထိုင်ခြင်းရဲ့ အဓိကအချက်တစ်ခုဖြစ်ပါတယ်။ ။
0 comments:
Post a Comment