သင့်သဘောထားကို အဆုံအဖြတ်ပေးသော အချက်အလက်များ

သင့်ကို မေးစမ်း ပါရစေဦး--- ကျွန်တော်တို့ဟာ သဘောတရားများနှင့်အတူ လူဖြစ်လာကြတာလား ဒါမှမဟုတ် ကျွန်တော်တို့ ရင့်ကျက်လာတဲ့အချိန်ကျမှ အဲဒီတရားတွေကို ဖွံ့ဖြိုးတိုးတက်လာအောင် လိုက်လုပ်ကြတာလား---ဆိုတာတွေကိုလေ။

သင့်ပတ်ဝန်းကျင်ကြောင့် သင့်မှာ ဘ၀နဲ့ပတ်သက်ပြီး အပြုသဘောမဆောင်တဲ့အမြင်မျိုးရှိနေတယ် ဆိုရင် သင့်သဘောထားကို သင်ပြောင်းလဲနိုင်စွမ်းရှိပါ့မလား။ ပုံစံခွက်ထဲထည့်ခံရတဲ့ နှစ်တွေမှာပဲ ကျွန်တော်ုတို့ရဲ့ သဘောထားများဟာ ပုံသွင်းခံလိုက်ရပြန်တယ်။ ကျွန်တော်တို့ဟာ ကိုင်းညွှတ်တတ်တဲ့ ပင်ကိုစိတ် သဘောထားတွေနဲ့ မွေးဖွားလာကြသူတွေဖြစ်တယ်။ ကျွန်တော်တို့ရဲ့ စိတ်ပုံစံလေးတွေကို ကြီးကြီးမားမား အဆုံးအဖြတ်ပေးတဲ့ အချက်သုံးချက်ရှိတယ်။ အဲဒါတွေကတော့ စိတ်သဘောထားဆိုင်ရာ အီးသုံးလုံးပဲပေ့ါ။

၁။ ပတ်ဝန်းကျင် (Environment)

၂။ အတွေ့အကြုံ (experience)

၃။ ပညာရေး (education)

ဒီအချက်သုံးချက်ရဲ့ တစ်ခုချင်းစီကို သီးခြား ချင့်တွက်ကြည့်ကြရအောင်လား။

၁။ ပတ်ဝန်းကျင်

ပတ်ဝန်းကျင်မှာ အောက်ဖော်ပြပါအချက်များပါဝင်တယ်။

၁။ အိမ်မှာ--- အပြုသဘောဆောင်တဲ့ သို့မဟုတ် အပျက်သဘောဆောင်တဲ့ လွှမ်းမိုးမှုများ၊

၂။ ကျောင်းမှာ--- သက်တူရွယ်တူများရဲ့ ဖိအား၊

၃။ အလုပ်ခွင်မှာ---အားပေးသမှုပြုတဲ့ သို့မဟုတ် အလွန်အမင်းဝေဖန်မှုပြုတဲ့ ကြီးကြပ်သူ၊

၎။ သတင်းမီဒီယာ---တီဗွီ သတင်းစာများ၊ မဂ္ဂဇင်းများ၊ ရေဒီယို၊ ရုပ်ရှင်များ၊

၅။ ယဉ်ကျေးမှုနောက်ခံ၊

၆။ ဘာသာရေးနောက်ခံ၊

၇။ ရိုးရာဓလေ့များနှင့်ယုံကြည်မှုများ၊

၈။ လူမှုရေးဝန်းကျင်၊

၉။ နိုင်ငံရေး ပတ်ဝန်းကျင်၊

ဒီပတ်ဝန်းကျင်းအားလုံးဟာ ယဉ်ကျေးမှုတစ်ခုကို ဖန်တီးလိုက်တယ်။ နေရာတိုင်းမှာပေ့ါ---အိမ်မှာ၊ အဖွဲ့အစည်းမှာ သို့မဟုတ် နိုင်ငံတစ်ခုမှာ---ယဉ်ကျေးမှုဆိုတာရှိတယ်။ သာဓကအားဖြင့်---သင်ဟာ စတိုးဆိုင်တစ်ဆိုင်ကိုရောက်သွားတယ်ဆိုပါတော့၊ အဲဒီမှာ မန်နေဂျာတွေမှာေ၇ာ အရောင်းစာရေးများမှာပါ ယဉ်းကျေးပျူငှါခြင်း၊ ကူညီပေးတတ်ခြင်း၊ ရင်နှီးခင်မင်ခြင်းနှင့်ဖော်ရွှေခြင်းတို့ရှိနေတာတွေကို သင်တွေ့ရတယ်။ သို့သော် အခြားဆိုင်တစ်ဆိုင်မှာတော့ ရိုင်းပျပြီး ယဉ်ကျေးပျူငှါမှုမရှိတဲ့ ၀န်ထမ်းများကို သင်တွေ့နိုင်တယ်။ သင်သွားလည်တဲ့ အိမ်တစ်အိမ်မှာ မိဘတွေရောသားသမီးတွေပါ အပြုအမူကောင်းကောင်းနဲ့ ယဉ်ယဉ်ကျေးကျေးရှိကြတာ ပြီးတော့ ညှာတာထောက်ထားတတ်ကြတာတွေကိုတွေ့ရမယ်။ သင်သွားလည်တဲ့ အခြားတစ်အိမ်မှာတော့ တစ်အိမ်သားလုံးဟာ တကျက်ကျက်နဲ့သဲကြီးမဲကြီး ရန်ဖြစ်နေကြတာကို တွေ့ရနိုင်တယ်လေ။ အစိုးရနဲ့နိုင်ငံေ၇းဝန်းကျင်းတွေ ရိုးသားမှုရှိတဲ့ နိုင်ငံများမှာ ယေဘုယျအားဖြင့် သင်ဟာ လူတွေရဲ့ ၇ိုးသားမှု၊ ဥပဒေကိုလိုက်နာတတ်မှုနဲ့ ၇ိုင်းပင်ကူညီတတ်မှုတို့ကိုတွေ့ရမယ်။ ဒီသဘောရဲ့ ပြောင်းပြန်ယူချက်လည်း မှန်ပါတယ်။ အကျင့်ပျက်ခြစားနေတဲ့ ပတ်ဝန်းကျင်မှာတော့ ရိုးသားတဲ့သူအတွက် အခက်အခဲများလှပါတယ်။ ရိုးသားတဲ့ဝန်းကျင်မှာလည်း အကျင့်စာရိတ္တခြစားနေတဲ့သူတွက် အခက်အခဲများတယ်လေ။ အပြုသဘောဆောင်တဲ့ ပတ်ဝန်းကျင်မှာ မဖြစ်စလောက်အစွမ်းပြ ဖျော်ဖြေတင် ဆက်နိုင်သူရဲ့ပမာဏရလဒ်ဟာ တိုးတက်လာတတ်တယ်။ အပျက်သဘောဆောင်နေတဲ့ ၀တ်ကျင်းမှာတော့ အစွမ်းကေင်းကောင်းပြနိုင်သော သဘင်သည်ရဲ့ ရလဒ်ဟာ ယုတ်လျှော့သွားရတတ်ပါတယ်။

နေရာတော်တော်များများမှာ ယဉ်ကျေးမှုဟာ အမြဲတမ်းလိုလို အပေါ်ကနေ အောက်ကိုသာကျကျ သွားတာ၊ အောက်ကနေ အထက်ကိုတက်တက်လာတယ်လို့ ဘယ်တော့မှမရှိပါဘူး။ ကျွန်တော်တုိ့ နောက်တစ်လှမ်း ပြန်ဆုတ်ကာ ကြည့်ဖို့လိုအပ်တယ်-- ငါတို့တွေဟာ ငါတို့အတွက်ရော ငါတို့ဝန်းကျင်မှာ ရှိနေကြသူတွေအတွက်ပါ ဘယ်လိုပတ်ဝန်းကျင်မျိုးတွေကို ဖန်တီးပေးပြီးပြီလဲဆိုတာတွေကိုပေ့ါ။ အပြုသဘောမဆောင်တဲ့ပတ်ဝန်းကျင်မှာ အပြုသဘောဆောင်တဲ့အပြုအမူမျိုးကို မျှော်လင့်ဖို့ဆိုတာ ခက်ခဲလှပါတယ်။ အဲလို လူ့ဘောင်အဖွဲ့အစည်းမှာ တရားဥပဒေကင်းမဲ့မူတွေဟာ တရားဥပဒေဖြစ်လာမယ်၊ ရိုးသားတဲ့ပြည်သူတွေဟာ လိမ်လည်ကောက်ကျစ်ပြီးစဉ်းလဲတဲ့သူတွေဖြစ်လာကြမယ်။

သင်ရှင်သန်နေတဲ့ ပတ်ဝန်းကျင်ဟာ သင့်အပေါ်မှာ ဘယ်လောက်ထိ အကျိုးသက်ရောက်နိုင်စွမ်း ရှိတယ်ဆိုတာရယ်၊ သင်ဖန်တီးလိုက်တဲ့ဝန်းကျင်ဟာလည်း သူများအပေါ်မှာ ဘယ်လောက်ထိအကျိုး သက်ရောက်နိုင်စွမ်းရှိတယ်ဆိုတာကို ချင့်တွက်ကြည့်ဖို့ (တန်ဖိုးဖြတ်ဖို့) အချိန်ယူရမယ်။

၂။ အတွေ့အကြုံ

ကျွန်တော်တို့ရဲ့အပြုအမူဟာ လူအမျိုးအမျိုးနဲ့ဆက်ဆံလို့ရလာတဲ့ အတွေ့အကြုံတွေအလိုက် ပြောင်းလဲသွားကြပါတယ်။ ကျွန်တော်တို့မှာ လူတစ်ယောက်နဲ့ပတ်သက်လို့ အပြုသဘောဆောင်တဲ့ အတွေ့ အကြုံမျိုးရှိရင် အဲဒီလူအပေါ်ထားတဲ့ကျွန်တော်တို့ရဲ့ သဘောထားဟာလည်း အပြုသဘောဖြစ်နိုင်ခြေ ပဲများပါတယ်။ အပြန်အလှန်အားဖြင့် မကောင်းတဲ့အတွေ့အကြုံအကြုံတွေဟာ ကျွန်တော်တို့ကို သတိပေးလေ့ ရှိတတ်ပါတယ်။ အတွေ့အကြုံတွေ၊ အဖြစ်အပျက်တွေဟာ ကျွန်တော်တို့ဘ၀မှာ အကိုးသာဓကပြုရမည့် အချက်များဖြစ်လာတော့တယ်၊ ကျွန်တော်တို့တစ်တွေဟာ နိဂုံးကောက်ချက်တွေ ဆွဲကြပြန်တယ်။ အဲဒါတွေကို အနာဂတ်လမ်းညွှန်ချက်များအနေနဲ့ အသုံးချကြတယ်။

၃။ ပညာရေး

ပညာရေးဆိုရာတွင် ပုံစံတကျဖွဲ့စည်းပြဌာန်းထားတဲ့ ပညာရေးရော၊ ပြဌာန်းမထားတဲ့ ရိုးရိုးသာမန် ပညာရေးရော နှစ်မျိုးလုံးကိုရည်ညွှန်းပါတယ်။ ကျွန်တော်တို့ဟာ သတင်းအချက်အလက်တွေထဲမှာပဲ နစ်မြုပ်နေကြတယ်၊ ဒါပေမယ့် ဗဟုသုတနဲ့ ဥာဏ်ပညာတွေကိုလည်း လိုလားငတ်မွတ်နေတတ်ကြပြန်တယ်။ မဟာဗျူဟာမြောက် အသုံးချရင်တော့ ဗဟုသုတဟာ ဥာဏ်ပညာအဖြစ်သို့ ပြောင်းလဲသွားပြီး၊ ဥာဏ်ပညာ ကတော့ အောင်မြင်မှုအဖြစ်သို့ အပြန်အလှန်အားဖြင့် ပြောင်းလဲသွားမယ်။

ပညာရဲ့ အခန်းကဏ္ဍဟာ အဓိကပဓာနဖြစ်တယ်။ ဆရာတစ်ယောက်သည် ထာဝရ အကျိုးသက်ရောက် နိုင်စွမ်းရှိသည်။ တသိမ့်သိမ့်လှုပ်ခတ်သွားတဲ့ အကျိုးသက်ရောက်မှုကတော့ တိုင်းတာလို့မရနိုင်ပါဘူး။ ပညာရေုးဆိုတာ ကျွန်တော်တို့တစ်တွေကို အသက်မွေးဝမ်းကျောင်းတတ်ရုံ သက်သက်သာမကဘဲ ရှင်သန် နေထိုင်တတ်တဲ့ နည်းလမ်းကိုပါ သင်ပေးလိုက်သင့်တာပေ့ါ။ ။

Shiv Khera ရဲ့

Factors That Determine Your Attitude ကို ဘာသာပြန်ဆိုထားခြင်းဖြစ်ပါသည်။